Familja Tanushi ka marrë lajmin e hidhur për ndarjen nga jeta pak ditë më parë të Major Klodian Tanushit.
Është miku i tij që ka ndarë një mesazh prekës në rrjetet sociale, ku tregon se Majori është ndarë nga jeta një ditë para ditëlindjes së djalit.
Besnik Daci, tregon se ka dëgjuar të voglin e Tanushit, Serxhon që kishte thënë se sot donte të fikte qirinjtë e tortës për t’u lutur për të atin që të shërohej.
“U ndave përgjithmonë nga ne Klodi, sa keq që nuk arrite të urosh as Serxhon sot në ditën e lindjes së tij.
Me habi e dëgjova kur më tha e doja tortën sot të fikja qirinjtë për t’u lutur për babin…U prehsh në paqe i dashur Klodi, Lamtumirë”, shkruan Daci.
Kujtojmë se Majori Klodian Tanushi u plagos së bashku me nëntetarin Julian Kapaj prej shpërthimit të një mine, kurse nëntetarja Zarife Hasanaj humbi jetën në vend më 6 maj.
Prej katër ditësh, major Tanushi luftonte me vde-kjen në spital pasi ndodhej në gjendje të rëndë dhe për shkak të pla-gëve të marra nuk mundi të mbijetojë.
Pritet që trupi i tij të vijë në Shqipëri, ku edhe do të mbahet ceremonia e nderimit.
