Është ndarë nga jeta një ndër ikonat e socialistëve në politikën italiane, Gianni De Michelis. Ai u shua në moshën 78 vjeçare gjatë mbrëmjes së djeshme, ku siç raportojnë mediat italiane, lajmi u bë i ditur nga familjarët e tij.
Gianni ka qenë deputet në radhët e socialistëve gjatë viteve 1976 deri më 1993. Ndërkohë nga viti 1980 deri më 1992 ka shërbyer si ministër duke qenë pjesë e qeverive të ndryshme.
Për shtetin italian firma dhe ndikimi i tij do të mbahet mend gjatë sidomos pas kthesës që i dha politikës italiane në Traktatin e Maastricht në vitin 1992.
Më pas ai ka shërbyer si Sekretar i Përgjithshëm i Partisë Socialiste Italiane nga viti 2001 deri në 2007. Posti i fundit efektiv në karrierën e tij ka qenë në Parlamentin Europian kur u mbyll edhe legjislatura në vitin 200. Në po të njëjtin vit ai është emëruar edhe Këshilltar Renato Brunettws, një ndër ministrat më të rëndësishëm të qeverisë Berlusconi. /BN/
