Një nga këngëtaret e famshme shqiptare që po bën namin në botë, Bebe Rexha një ikonë tashmë jo vetëm në skenën muzikore, por edhe në kopertinat e revistave të huaja prestigjioze.
Ajo gjithmonë ka folur për origjinën e saj dhe rrënjët shqiptare, me shumë krenari. Të njëjtën gjë bëri edhe në videot që ka postuar në Instastories, në një mesazh drejtuar shqiptarëve, ku shkruan:
“Unë e dua kulturën e vendit tim, u rrita si shqiptare dhe vërtet e dua, por ndonjëherë ndjej se shqiptarët nuk e ndihmojnë njëri-tjetrin. Në Instagram-in tim komentet më të ndyra rezultojnë të jenë gjithnjë nga shqiptarët. Kjo më bën shumë konfuze sepse…a nuk supozohet që ne t’i japim një dorë, të ngremë dhe të mbështesim njëri-tjetrin? Mendoj se duhet të tregojmë më shumë dashuri, të mbështesim njëri-tjetrin dhe të jemi krenarë. Nuk mund të them se të gjithë nuk ma shprehin mbështetjen e tyre sepse ka persona, fansat shqiptarë që më thonë që ndihen krenarë për mua, por thjesht është e vështirë që të shohësh se vetë njerëzit e tu të thonë gjëra jo të hijshme për ty. Unë jam personi numër një që përkrah njerëz nga vendi im…Megjithatë shoh që ka persona që më mbështesin dhe përkrahin, kështu që, faleminderit”,- shkruan Bebe në postimin e saj.
