Kryesia e Partisë Socialiste ka zgjedhur Valbona Sakon si kandidate për bashkinë Durrës, në zgjedhjet lokale të 30 qershorit. Mësohet se Sako është edhe kunata e moderatores së njohur, Hygerta Sako, gjithashtu e shpallur Miss Shqipëria në vitin 1995.
Sa i përket kandidates socialiste, Valbona Sako është me profesion ekonomiste. Ajo ka përfunduar studimet në fakultetin Ekonomik të Tiranës në vitin 1993. Pas përfundimit të studimeve, ajo është punësuar në administratën shtetërore, ndërkohë që prej 20 vitesh është pjesë e administratës fiskale të qytetit të Durrësit. Që prej 2 nëntorit të 2013-ës, ajo ka drejtuar Tatimet e Durrësit.
