Deputetja e Kuvendi të Shqipërisë, Reme Lala do të jetë kandidatja e Partisë Socialiste për bashkinë e Peshkopisë. Sipas ‘News 24’, Lala përflitet se do të jetë kandidatja e socialistëve në Dibër, të cilët kanë vendosur të mos rikandidojnë më Muharrem Ramën
Reme Lala hyri në Parlament nëpërmjet Partisë për Drejtësi, Integrim dhe Unitet, por menjëherë u distancua nga Shpëtim Idrizi për të kaluar me mazhorancën e Edi Ramës.
Ajo është edhe vajza e biznesmenit Ymer Lala, të cilin kryeopozitari Lulzim Basha e ka akuzuar publikisht si të përfshirë në dosjen 184 të Prokurorisë, ku janë hetuar manipulimet e votave në Qarkun e Durrësit.
Kandidimi i Reme Lalës pritet ta tensionojë edhe më tej situatën midis PS dhe PD, pasi kjo e fundit është larguar nga Parlamenti pikërisht pas skandalit të votave në Dibër, Durrës, Lezhë dhe Shijak.
