Të shtëna me armë zjarri janë shënuar paraditen e stome në Vlorë, në zonën e “Lungomares”. Një person ka mbetur i plagosur në ambientet e një lokali në zonën e shëtitores së Lungomares, teksa ishte duke pirë kafe.
I plagosuri, me inicialet B.C., ka marrë një plumb në këmbë dhe sipas spitalit rajonal të Vlorës, është jashtë rrezikut për jetën.
Burime policore thanë për “Boldnews” se është qëlluar me armë zjarri nga një makinë e më pas janë larguar. Dyshimet e grupit hetimor janë se autorët mund të kenë ngatërruar objektiv, shtuan të njëjtat burime. Vetë i plagosuri tha për mediat se kishte një shkëmbim zjarri mes dy grupeve dhe ai u plagos aksidentalisht.
Pas ngjarjes, një makinë e djegur është gjetur në Babicë. Mjeti dyshohet të jetë përdorur nga autorët.
Ende nuk ka një reagim zyrtar nga Policia lidhur me ngjarjen.
/BN/
