Nga Boldnews.al
Ora 12.30, datë 21 shkurt 2019, Parlamentarizmi ra, 29 vitë pasi u përmbys sistemi komunist. Në krye të qeverisë është Rilindja, një miksim mes PS-së dhe PPSH-së, e përfaqësuar nga kryeministri aktual Edi Rama.
Sot vendi është në pikën më kritike në kushtet e ekzistencës së shtyllave të demokracisë. Nuk jemi më një hap pranë autoritarizmit, por brenda oazit të saj. Kjo është ajo që po sheh tashmë Europa, e cila ka kthyer sytë nga vendi i vogël i çudirave të mëdha.
Një nga personazhet më aktiv të shoqërisë civile, Aulon Kalaja iu drejtua me katër pyetje, (që ngrenë pikëpyetjet e mëdha) studentëve nga vende të ndryshme të Europës në takimi, që “EDS, Europian Democrat Students”, së bashku me Forumin Rinor të Partisë Demokratike të Shqipërisë, zhvilluan në kryeqytet.
“Iu drejtova mikut italian, a do t’a pranonte Italia situatën e kanabisit siç po ndodh tek ne, ku po digjen kullota për të mbjellë droge?! -Iu drejtova mikut anglez, a do t’a pranonte Anglia që të bëheshin zgjedhje pa opozitën?! -Iu drejtova mikut gjerman, a do t’a pranonte Gjermania që të vidheshin zgjedhjet dhe të qeverisej nga një kryeminister ilegjitim, i lidhur kokë e këmbë me krimin?! -Iu drejtova mikut tim maqedono-verior, a do t’a pranonte Maqedonia e Veriut një marveshje me Greqinë, ku kësaj të fundit t’i falnim 12 milje det dhe të pranonin varrosjen e çështjes çame, ku mbi shqiptarët është bërë genocid?!-shkruan Kalaja. Ishin pyetje për çdo shtet të afërt e të largët, drejtuar liderëve të rinj të politikës Europiane.
Studentët italianë që në të ardhmën mëtojnë të jenë në elitën politike padyshim që e dinë se çfarë ka eksportuar Shqipëria nën drejtimin e Ramës. Të rinjtë italianë bëheshin dëshmitarë kur shkonin në bregdetin e tyre dhe prej ujit pluskonin thasë kanabisi me markë “Made in Rilindja”. E kjo mund tu përsëritet sërish në sezonin e ardhshëm, kur pyjeve po u vihet zjarri për të përfituar toka të begata kanabisi. Kur policia nuk zbret në terren për asgjësimin e drogës, por është tërsisht e aktivizuar në dhunën ndaj qytetarëve protestues.
Për një të ri anglez nuk ka koncept përfytërimi të shkohet në zgjedhje pa opozitën. Për një të ri gjerman që nesër do jëtë në politikë, “vjedhje zgjedhjesh” i kujtojnë kohën e totalitarizmit, hesapet e së cilës janë mbyllur me kohë. Të gjitha pyetjet që erdhën nga Kalaja për pak çaste heshtën sallën. Ishin në Shqipërinë që mëton të shkojë drejt BE-së. Me çfarë? Drogë, krim zgjedhor dhe dhunë mbi qytetarët?
“Miqtë ndërkombëtarë na dhanë fjalën, se jo vetëm që do të transmetonin në vendet e tyre këtë situatë, por nesër, datë 11 maj, ditë e shtunë, ora 18:30 ata do të vinin në protestë para Kryeministrisë”-shprehet Kalaja.
