Kreu i opozitës, Lulzim Basha, ka qenë mjaft entuziast ditën e sotme gjatë takimit me demokratët e Kamzës.
Ai deklaroi se zgjedhje pa PD-në nuk ka dhe nuk do të ketë, ndërsa paralajmëroi të gjithë zyrtarët e rilindjes se i pret përballja me drejtësinë, për firmat që po hedhin për vjedhjen e Shqipërisë.
“Shqipëria do të ketë zgjedhje të parakohshme parlamentarë, Shqipëria do ketë zgjedhje të lira dhe të ndershme. Por gjysma e punës duhet bërë akoma, pasi Bisha e plagosur e lidhur me krimin, po bën gjithçka të ruaj veprimet e veta kriminale. Edhe tani që flasim janë zhytur me kokë dhe po firmosin tendera, licenca dhe pagesa. Dua tu jap një mesazh të gjithë atyre në kryeministri dhe ministri, që po zbatojnë programin kap çfarë të kapësh, por ju them se çdo frikë që hidhni për grabitjen e Shqipërisë, do ju çoje në ndjekje penale. Asnjë akt i firmosur në Parlament qëkur opozita doli nga parlamenti, nuk do të njihet. Ju bëj thirrje mos zbatoni urdhrat e paligjshëm të parlamentit dhe krimit”, -tha Basha.
