Kreu demokrat Lulzim Basha u shpreh nga Gjirokastra se flamuri kombëtar, ai i PD-së, i BE-së, NATO-s, SHBA, janë simbolet e demokratëve shqiptarë dhe çdo shqiptari të lirë. Ai theksoi se beteja me qeverinë nuk është për rotacion politik, pasi ai është i pashmangshëm, por kjo është një betejë për të ardhmen europiane.
“Qeveria është bërë njish me krimin dhe ka kapur edhe Parlamentin. Kriminelët dhe oligarkët kanë të gjitha pasuritë e vendit”, tha kreu demokrat.
Basha theksoi se ky komb është i bashkuar dhe i vendosur për Shqipërinë si gjithë Europa.
“Me këtë amanet u themelua Partia Demokratike, 30 vite tranzicion ishin të mbushura me sakrifica të jashtëzakonshme të shqiptarëve, kush nuk e di që dhjetra të rinj e paguan me jetë tentativën për largimin nga Shqipëria”, tha Basha.
Kreu demokrat tha se sot edhe njëherë po na thërret vokacioni ynë perëndimore, bashkohuni më 11 maj për Shqipërinë si gjithë Europa.
Basha tha se jemi mazhoranca e re morale, politike dhe numerike në Shqipëri.
“Europa ka qenë ëndrra me të cilëm lindëm, jo si refugjatë, por si qytetarë me kokën lart, të barabartë me çdo qytetar europian sot.
Ne nuk e duam Shqipërinë si gjithë Europa me qytetarë klandestinë, por që të shkojnë krenarë në Europë, por na duhet të sjellim Europën këtu”, tha Basha.
Parakushtet për të bërë këtë realitet, sipas Bashës, janë ruajtja dhe ndërtimi i standardeve europiane në çdo fushë.
“Sot është 9 maj, dita e Evropës dhe sot nga Gjirokastra kjo energji e jashtëzakonëshme, ngjitëse, frymëzuese për kauzën tonë të madhe i thotë cdo shqiptari, pavarësisht prej bindjeve politike, moshës, krahinës, fesë, se ky komb është i bashkuar dhe i vendosur për Shqipërinë si e gjithë Evropa.
Me këtë ëndërr nisi kryengritja studentore 30 vite më parë, me këtë amanet u themelua PD. 30 vite tranzicion kanë qenë një udhëtim plot sakrifica drejt Evropës. Edhe ju Gjirokastritët keni qenë dëshmitarë të emigracionit drejt Greqisë.
Kush s’e di se emigracionin dhjetëra të rinj e paguan edhe me jetë. Kush nuk e di rrugëtimin tonë plot sakrifica që është shkruar në memorien e nënave dhe baballarëve të Shqiëprisë, e në veçanti të Gjirokastrës. 30 vite për të shkuar në Evropë, por edhe hapa për ta sjellë Evropën këtu.
Nuk është rastësi se këto hapa janë marrë nga demokratët shqiptarë, nga PD, që nga anëtarësimi në KE, nënshtkrtimi i MSA, marrja e ftesës për në NATO, anëtarësimi në NATO, heqja e vizave dhe marrja e statusit për vendin kandidat.
Sot edhe njëherë po na thërret në skenë, në skenën e vendimit të madh politik, po na thërret vokacioni perëndimor, ndaj thirrja ime e parë ndaj aktivistëve tanë dhe ndaj qytetarëve tanë, shqiptarë e minoritarë: bashkohuni me 11 maj për Shqipërinë si e gjithë Evropa”, tha Basha.
