Replikat mes Olti Currit dhe moderatores së re Fjoralba Ponari, vazhdojnë me serinë e radhës.
E quajmë “seria e radhës” sepse këto replika janë kthyer në një telenovel tani. Për dy ditë me radhë ata kane replikuar kundër njëri-tjetrit me anë të postimeve në rrjetet sociale, duke e ashpërsuar gjuhën kundër njëri-tjetrit.
Pas postimit të fundit të Fjoralbërs e cila i deklaroi automatikisht të mbyllura replikat, ka qenë Olti ai që nuk ka preferuar ta bëjë diçka të tillë, madje ai i ka fryrë më shumë zjarrin me deklaratën që ka bërë dhe madje e ka këshilluar moderatorin që të ndërroj zanat.
“Kjo akoma nuk e kupton çfarë pune bën! Apo bën sikur nuk e kupton? Dmth 100 spektaklet që merren me personazhet e ekranit duhet të mbyllen. Domethënë Ermal Mamaqi paska bulluar Erion Braçen dhe Flor Binaj ka bulluar Rudina Magjistarin, unë e di që kanë bërë humor. (Qesh). Kjo as nuk ngjan me Kim Jong që do vetëm lavdërime. Nuk i trembem termit bullizëm, i trembem pseudo viktimave që bëhen të neveritshëm për t’ju dhimbsur publikut vetëm që t’i japë të drejtë. Por dinjiteti është dhuratë e rallë, më shpejt ke mundësinë të fitosh llotarinë Amerikane. Vajza duhet të ndërrojë zanat (edhe pse prezantimin nuk e bëri kurrë zanatin e saj) meqë pretendon që njerëzit vetëm ta admirojnë. Ka profesione plot që mund të jetë vetëm në zyrë, vendos edhe një pasqyrë dhe adhuron veten në heshtje apo me zë të lartë”,- ka shkruar Olti Curri.
