Mëngjesin e së dielës, Vlora u gdhi e përmbytur nga reshjet e shiut. Pamjet u kthyen në virale, ndërsa nga kryeministri Edi Rama nuk pati asnjë reagim.
Disa ditë më pas, shefit të qeverisë ‘i ra rruga’ sërish nga Vlora, por jo për njoftuar se situata të tilla dramatike nuk do t’iu vështirësojnë më jetën qytetarëve vlonjatë, mbi supet e së cilëve rendojnë hallet e jetës në Shqipërinë e Rilindjes, por për të bërë një premtim akoma më madh…
Gjatë një vizite në një biznes në Vlorë, Rama parashikoi se zona do të kthehet në një Toskanë të Shqipërisë. Dhe në këtë mënyrë, tha Rama, do eliminohet edhe varfëria (për të cilën të paktën, duket se është koshient që ka mbërthyer familjet shqiptare).
“Unë mendoj se kjo zonë rrugën e ka bosht, natyrën e ka fantastike dhe do jetë në 15-20 vitet e ardhme një mrekulli si Toskana në kuptimin e agroturizmeve. Këtu do bëhet një gjë fantastike, sepse turistët vërtet vijnë në det, por kanë nevojë gjatë ditëve që rrinë edhe për atraksione të tjera. Këtë fat që e kemi ne, kaq pranë detit, është fatkeqësi që nuk e kemi shfrytëzuar. Dhe do ndryshojë turizmin përgjatë katër-pesë muajve, se do ketë turizëm edhe gjatë dimrit dhe do jetë një gjë që do ndryshojë gjithë ekonominë, s’do ketë më as varfëri, as shiko nga qielli se ça do haj nesër”, tha Rama. /bn/
https://streamable.com/ai9gk
