Klima dhe jehona e ndeshjes vitrinë të futbollit shqiptar, natyrisht ka përfshirë edhe anën mediatike sportive, ata të cilët shpesh prodhojnë lajm. Dhe mbi të gjitha, edhe moderatoret sportive që shumica e tyre janë mes Tiranës dhe Partizanit.
Njëra prej tyre, prezantuesja energjike e sportit në News 24, Enxhi Biba, përveçse përcjell përherë dhe çdo ditë në ekran këtë jehonë mediatike që ofron kjo kryesfidë, sërish një preferencë në distancë e ka. Nuk e shpreh nga postimet në rrjetet sociale, por në bisedë e sipër, e ka një dëshirë:
“Jam me Partizanin, thotë ajo,- me skuadrën praktikisht kampione. Kam një simpati në distancë për këtë skuadër që është fare afër titullit kampion. Përballë Tirana, një tjetër skuadër që meriton respekt, por më shumë respekt për fituesin e kampionatit, pse jo edhe të derbit”,- thotë Enxhi që gjithsesi mbetet një tifoze e flaktë e ekipit kombëtar të futbollit.
