Teksa 9 Maji shënon edhe Ditën e Bashkimit Europian, jo vetëm vendet pjestare por edhe ata që aspirojnë të bëhen pjesë e familjes europiane janë angazhuar sot për të uruar dhe reflektuar lidhur me përpjekejt dhe punën e bërë për tu bërë pjesë e këtij bashkimi.
Por, ndryshe nga shumë vende të tjera të cilat kanë kaluar përmes reformash dhe një punë kolosale për Kosovën kjo është një çështje sa e merituar aq edhe e mohuar prej shekujsh.
Ndërkohë që liderët e Ballkanit, qofshin ata pjesë ose jo të BE, janë mbledhur në Tiranë, Haradinaj uron Ditën e Europës me një mesazh prekës dhe motivues jo vetëmpër Koosovën por gjtihë shqiptarët. Ai i bën thirrje BE të mos e izolojnë më shumë se kaq Kosovën dhe gjithë shqiptarët kudo që ndodhen, nga e drejta e tyre e mohuar prej shekujsh për tu bërë pjesë e një familjeje ku atyre u takon të jenë.
Mesazhi i Haradinajt
Kosova shënon Ditën e Europës sot, sepse jemi pjesë gjeografike, ideologjike, dhe identitare e familjes europiane, ndër shekuj. Qytetarët dhe institucionet e Kosovës sot kanë aspiratë të vetme integrimin e plotë në Bashkimin Europian, për të kontribuar në prosperitetin, paqen, sigurinë, dhe drejtësinë e kontinentit tonë. Më shumë Europë në Ballkan do të thotë më shumë mundësi, rritje, shkëmbim e zhvillim.
Në shënimin e Ditës së Europës këtë vit, Kosova zotohet fuqishëm për të vazhduar përkushtimin e pandalshëm për integrim në BE dhe për mbrojtje të vlerave demokratike të cilat na bashkojnë. Po sot, i bëjmë thirrje shteteve anëtare të Bashkimit Europian dhe institucioneve të BE-së, që të njohin dhe pranojnë të arriturat e Kosovës, dhe të mos vazhdojnë të mbajnë qytetarët e Kosovës edhe më tutje padrejtësisht të izoluar nga familja që i takojnë.
Urime Europë – Kosova është e jotja!
RH
