Duheshin më pak se 24 orë për të zyrtarizuar çdo gjë dhe për të bërë më në fund betimin si deputeti më i ri në Kuvendin e Shqipërisë. Por, për Kujtim Gjuzin duket se asgjë nuk ka kuptim nëse nuk e ndan me miqtë dhe ndjekësit e tij.
Për këtë arsye, nga entuziazmi dhe eksitimi që i jep karrigia e deputetit, Gjuzi nuk ka nguruar të publikojë numrin e tij të telefonit në faqen e tij në Facebook, duke iu lutur ta kontanktoni.
Një veprim i tillë në kushte ‘dëshpërimi’ për pak famë dhe status shoqëror shpresojmë që do ta ndihmojë sado pak deputetin e ri, i cili ngazëllehet nga mesazhet dhe urimet e ndjekësve të tij ( që një Zot e di se ku i gjen aq të dashur e qokatarë).
Megjithatë, përtej ironisë dhe modestisë, numri i një deputeti nuk bën kurrë keq të jetë në telefonin tuaj e aq më tepër, një numër i vetëofruar. Ai gjithashtu u ka bërë thirrje ‘fansave’ të tij ta takojnë përballë Parlamentit, nga krahu i godinës së ish-të përndjekurve politikë.
