Në ndeshjen më delikate të sezonit, Skënderbeu është me fat, pasi nuk ka asnjë mungesë. Me rikthimin e Marko Radasit dhe Bruno Ditës, duket se Shehi ka gjetur ekipin në një ditë të mirë dhe për këtë ka mundësinë të hedhë në fushë lojtarët më në formë.
Në seancën e fundit stërvitore, trajneri ka bërë të gjitha provat e mundshme për të dalë te formacioni që do të zbresë në fushë përballë Kukësit. Nuk do të jetë një Skënderbe me dy sulmues, të paktën nga ajo që ka provuar Shehi në fushë. Trajneri kërkon më shumë ekuilibër dhe për këtë do të luajë me një rreshtim tjetër: 4- 2-3-1.
Detyrat janë specifike për disa lojtarë, ndërsa dilema e vetme është nëse do të luajë në rolin e një fantazisti Sibo apo Pervan. Nëse zgjidhet kroati, atëherë në dyshen para mbrojtjes, Shehi duhet të ndajë mendjen për Taipin apo Sibon titullar.
- /Panorama Sport/
