Reperja e njohur Loredana Zefi është arrestuar mbrëmë nga autoritetet zvicerane.
Lajmi është bërë i ditur në orët e hershme të mëngjesit nga portali prestigjioz ’20 minuten’ i cili ka zbuluar mes tjerash edhe historinë për të cilën akuzohet artistja. Fjala është për një dëm të shkaktuar ndaj një çifti zviceran rreth të 50-tave në vlerë prej afro një milion frangave.
Sipas mediave zviceriane, Prokuroria e Luzernit ka nisur një hetim të gjithë llogarive bankare dhe të ardhurave të ëngëtares. Pas akuzave që erdhën në emër të saj, policia ka bërë të mundur arrestimin e këngëtares në një apartament në Luzern.
Lexo edhe: Mashtroi dhe vodhi të moshuarën, ja sa vite burg rrezikon këngëtarja shqiptare
Loredana dhe vëllai i saj akuzohen për mashtrim financiarë. Në vitin 2018 një zonjë nga Zvicra e cila u bë e njohur për publikun dhe policinë si Zonja Petra Z. akuzoi të vëllain se e kishte manipuluar për ti marrë një shumë të konsiderueshme parashë. Por, drejtësia e shpalli të pafajshëm pasi u vërtetua se ajo i kishte dhënë në mënyrë të vetëdijshme paratë.
Ndërkohë, zonja Petra ka bërë sërish një denoncim në polici ku shpjegon se këngëtarja Loredana e ka kërcënuar, shantazhuar dhe manipuluar për ti marrë një shumë prej 700.000 frangash të cilat sipas saj janë kursimet e saj të një jete.
“Loredana dhe vëllai i saj kanë marrë gjithçka nga ne. Paratë tona. Thjesht çdo gjë që ne si njerëz të zakonshëm kemi punuar shumë për to” – thotë Petra Z. “Për shkak të saj kam dashur ta vrasë veten.” – shtoi zviceranja në prononcimin për “20 minuten”. /bn/
