Fjala e trajnerit nuk përputhet me versionin e francezit, i cili në një postim në rrjetin “Twitter” është munduar të sqarojë episodin duke shpjeguar se as nuk kishte refuzuar urdhrat e trajnerit, por ishte gjuha e këtij të fundit që e detyroi të ulte nivelin e fjalorit të tij.
E sigurt është që tri të ardhshmet do të jenë ndeshjet e fundit të Bakajokos me fanellën kuqezi. Pas huazimit sezonal për 5 milionë euro, “Djalli” nuk planifikon të shpenzojë 37 milionë euro të tjera për të ushtruar të drejtën e blerjes mbi kartonin duke detyruar Çelsin të gjejë një tjetër destinacion për 24-vjeçarin, me Interin që në orët e fundit duket gjithnjë e më i interesuar.
