Tre hajdutë të maskuar me uniformat e policisë kanë hyrë më dhunë në banesën e një biznesmeni në Korçë duke përfituar nga errësira dhe mungesa e dritave në atë zonë.
Ata kanë lidhur dy bashkëshortët që ndodheshin në banesë, Novruz dhe Sadete Vila për të grabitur të qetë çfarë ndodhej në shtëpi. Grabitësit e maskuar si policë kanë marrë 1.6 milionë lekë dhe më pas janë larguar me shpejtësi nga banesa.
Edhe pse nuk ka ende një njoftim zyrtar nga Policia e Korçës, biznesmeni ka deklaruar për mediat se atij i janë vjedhur lekët e xhiros që kishte bërë falë dy bizneseve të tij.
“Po hanim darkë me bashkëshorten. Më lidhën duart dhe gojën mua dhebashkëshortes. Mua më morën lekët që kisha në xhep, nja 1.6 mln lekë si dhe më hoqën varësen që kisha në qafë. Mirë që u shkëput lehtë ajo. Pastaj dëgjuam zhurmë në dhomat e gjumit. Na thanë të mos lëvizim,” u shpreh ai.
Novruz Vila është pronar i një gomisterie servis dhe anije peshkimi Durrës ndërkohë që kur kanë mbërritur forcat e policisë e kanë gjetur të lidhur.
Maskuar si policë, dhunuan dhe grabitën familjen e një biznesmeni (EMRI)
