Një tjetër aksident i ka marrë jetën një emigranti shqiptar në shtetin fqinj. Pasi ka humbur kontrollin e makinës, vazhdimësia e ngjarjes ka qenë fatale për shqiptarin 63 vjeçar, që jetonte prej vitesh në Greqi.
Ngjarja është regjistruar në orën 17:30 në zonën e Malgaron të Selanikut.
Sipas mediave greke, shqiptari humbi kontrollin e makinës dhe u përplas me një automjet tjetër. Përplasja rezultoi fatale për 63-vjeçarin, i cili kishte pësuar plagë të rënda të cilat i shkaktuan vdekje.
Policia greke nisi hetimet për të përcaktuar dinamikën e aksidentit, ndërsa emri i viktimës nuk bëhet i ditur.
