Për heqjen e tabelave në Fiqit ka folur së fundmi ministri i Jashtëm grek, Jorgos Katrugalos dhe është shprehur se është informuar nga qeveria shqiptare për këtë çështje.
Ai tha se qeveria greke është në kontakt të vazhdueshëm me shtetin tonë dhe theksoi ky aksion u bë pasi tabelat e rrugës duhen njëherë në shqip dhe pastaj në greqisht.
“Kemi angazhim të plotë, kemi dhënë premtime për minoritetin grek në Shqipëri. Vihet re një vonesë, por njëkohësisht kemi mundësinë të ushtrojmë kontroll pasi në qershor diskutohet ecuria e integrimit të Shqipërisë. Kuptohet që ky integrim kalon përmes respektimit të minoritetit dhe marrëdhënieve të fqinjësisë së mirë me një vend anëtar të BE-së. Na thanë se hoqën tabelat për të ndryshuar radhët. Radha për tabelat do jetë shqip dhe pastaj greqisht. Me qeverinë e Shqipërisë jemi në kontakt të vazhdueshëm. Morëm përgjigje nga qeveria Rama. Mbetet të shohim si do veprohet”, u shpreh ai.
Një ditë më parë policia e Sarandës hoqi tabelat e vendosura në disa fshatra të Finiqit ku emërtimi i vendeve ishte në greqisht dhe më pas në gjuhën shqipe. Kjo është në kundërshti me ligjin shqiptar, pasi tabelat duhen në gjuhën shqipe dhe më pas në atë greqisht.
