Për ironi të fatit vetëm gjatë ditë së djeshme, krerët e qeverisë kanë përujtuar dëshmorët e Atdheut me rastin e 5 Majit, Ditës Kombëtare të Dëshmorëve.
Por, nuk do të kalonin shumë orë kur Shqipërisë do t’i duhej të varroste një tjetër dëshmore, e cila me përkushtimin, guximin dhe punën e palodhur ka dhënë kontributin e saj në Forcat e Armatosura shqiptare që japin ndihmën e tyre kudo ku ka nevojë, përmes familjes së madhe të NATO-s.
Fati i Zarife Hasanajt është padyshim i dhimbshëm ndërkohë që edhe Ministrja e Mbrojtjes, Olta Xhaçka ka reaguar lidhur me këtë ngjarje të rëndë nga rradhët e FA.
Statusi i Xhaçkës
Dhimbje e madhe për humbjen e dëshmores së Forcave të Armatosura, nëntetares Zarife HASANAJ. Në këtë moment të vështirë jemi pranë familjes së vajzës sonë e do të vazhdojmë t’i gjendemi pranë, për të përballuar bashkë humbjen e madhe. Respekt dhe mirënjohje pafund për Zarifen, për sakrificën, guximin dhe vendosmërinë në përballjen me rrezikun gjatë përmbushjes së detyrave të saj. Djemve tanë të plagosur, major Klodian TANUSHI dhe rreshter Julian KAPAJ, u uroj shërim të shpejtë dhe kthim shëndoshë e mirë pranë familjes sonë të Forcave të Armatosura.
