Pamjet e dhunës duket se janë të pandashme nga stadiumet shqiptare.
Në sfidën e luajtur sot në Sarandë, ku Butrinti vendës ka mposhtur jo pa vështirësi Tepelenën 2-1, janë rikthyer aktet e dhunës.
Fundi i takimit ka qenë mjaft i tensionuar me Policinë e Shtetit që ka ndërhyrë për të mbrojtur lojtarët miq pas një sherri të ndodhur menjëherë pas vërshëllimës së fundit të gjyqtarit.
Edhe sfida tjetër e grupit B, Përmeti-Gramozi 3-1, ka kaluar jo pa probleme me ekipet që e kanë mbyllur ndeshjen me nga 9 lojtarë pasi kanë marrë nga dy kartonë të kuq secila.
Ditët e fundit qeveria ka prezantuar një projekt-ligj ku prezantohen edhe masa ekstreme me burg për tifozët.
Pamjet e videos marrë nga Balkanweb:
