PËRDITËSUAR/ Kufoma e gjetur në rezerbuarin e Fushë-Studenit paraditen e sotme i përket 55-vjeçarit Ibrahim Lala, banor i zonës, konfirmuan burime policore.
Rezulton se 55-vjeçari kishte humbur kontaktet me familjarët rreth 20 ditë më parë. Në trupin e pajetë nuk janë gjetur shenja dhune, raportoi paraprakisht policia. Dyshohet se ai është mbytyr në rezervuar.
***
Gjendet një kufomë në rezervuar
Një person është gjetur i mbytur në rezervuarin e Fushë-Studenit njësia administrative Stëblevë, bashkia Librazhd.
Dyshohet se personi në fjalë ka pasur ditë që është mbytur, por sot ka dalë në sipërfaqen e ujit.
Mësohet se trupi është hasur nga turistët e shumtë që vizitojnë liqenin. Këta të fundit kanë lajmëruar edhe policinë. Ende nuk bëhet i ditur identiteti i viktimës.
