Kanë mbetur vetëm pak ditë edhe nga nisja zyrtare e fushatës për zgjedhjet e 30 qershorit, zgjedhje të cilat sipas maxhorancës konsiderohen si normale dhe do të mbahen me çdo kusht. Kështu, ispas linjës së qeverisë, ka nisur edhe prezantimi i kandidatëve për çdo bashki ku supriza e rradhës vjen nga qyteti i Durrësit.
Sipas burimeve mësohet për Bashkinë Durrës, propozimi i kreut të qeverisë edhe për bashkinë është femër.
Duke qenë se opozita ka vendosur të mos hyjë në zgjedhje, Rama ka vendosur që të tërheqë kandidaturën e Spartak Kovacit dhe në vend të tij me shumë gjasë do të jetë Milva Ekonomi ose Klodiana Spahiu.
Duke qenë se tashmë nuk ka garë dhe zgjedhjet janë formale, PS ka vendosur vetëm pak ditë para afatit zyrtar për regjistrimin e kandidatëve që të jetë një grua që të pasojnë emrin e Vagjush Dakos për kryetar të bashkisë Durrës.
Duket se në mungesë të opozitës, maxhoranca ka vendosur të luajë të gjitha kartat e mundshme për të realizuar ëndrrën e çdo individi që do të dëshironte të bënte karrierë në listat e PS-së, duke i dhënë pushtetin dhe postin e dëshiruar e duke lëvizur këtë të fundit aty dhe si do vetë.
