Ardian Mema duket se ka vendosur për lojtarët që do të luajnë titullarë ndaj Skënderbeut. Jashtë, Albi Doka, Majkëll Ngo, ndërsa në fushë Asion Daja dhe Grent Halili si qendërsulmues. Duke parë stërvitjen e fundit, Mema ka vendosur që të luajë disa ndryshime. Kështu, në portë nuk do të ketë lëvizje me Abibin titullar.
Do të jetë reparti i mbrojtjes që do të ndryshojë me Asion Dajën që kthehet titullar në vend të Albi Dokës, që mbetet në stol, për t’u riaftësuar nga dëmtimi në këmbë. Pjesa tjetër e mbrojtjes është po ajo që luajti në Gjirokastër me Turtullin, Goxhën dhe Hoxhallarin. Edhe në mesfushë nuk është se ka ndonjë ndryshim të madh me katërshen afrikane Sentamu, Maveje, Kobina dhe Oduamadi. Ndryshim mund të bëjë vetëm ndonjë lëvizje e sekondës së fundit me Dokën e Grecën që mund të luajnë nga krahët, por kjo ka pak gjasa të ndodhë. Si sulmues i dytë do të luajë i zakonshmi Hasani, ndërsa në majë të ekipit Grent Halili, i parapëlqyer ndaj Majkëll Ngosë. /Panorama Sport/
