Forca të shumta policore kanë zbarkuar në zonën e Komunës së Parisit në kryeqytet.
Nga raportimet e para, mësohet se një operacion policor është duke u zhvilluar nga ana e policisë për ndalimin e një personi në kërkim.
Operacioni është ende në vijim. Zyrtarisht, dikasteri i Drejtorit të Përgjithshëm të Policisë së Shtetit, nuk jep detaje nga operacioni, por pranohet se në një apartament është ushtruar një kontroll banese. Nuk bëhet i ditur identiteti i personit ndaj të cilit është lëshuar një vendim kontrolli apo arresti, por pjesëmarrja e Forcave Speciale si RENEA e FNSH deri dhe snajper të instaluar mbi tarracat e pallateve, dëshmon për rrezikshmëri të lartë të individit.
/bn/
