Vetëm pak orë më parë, Policia ka bërë me dije një ngjarje të rëndë për humbjen nga jeta të një vajze të re e cila pretendohet se ka helmuar veten në një taksi në Tiranë. Megjithatë, të gjitha këto kundërshtohen nga i dashuri ivajzës, i cili shpejgon se asgjë nga këto nuk është e vërtetë. Madje, sic njoftohet edhe nga burimet për JOQ Albania, vajza ka qenë e fejuar dhe nuk ishte ndarë me të dashurin apo për më tepër të jetë vetëhelmuar.
Vajza me të fejuarin e saj ishin mbledhur në një darkë miqsh dhe pas feste, e reja ishte nisur me taksi për në shtëpi.
Ajo ka pësuar një arrest kardiak gjatë kohës që ishte brenda në automjet.
Burimet bëjnë me dije se po pritet raporti i ekspertizës mjekoligjore, në mënyrë që të përcaktohet se cili ka qenë shkaku i vërtetë që e reja ka ndërruar jetë.
Djali, i cili ishte i fejuar me vajzën është tejet i pikëlluar nga ngjarja e rëndë dhe të afërm të tij kërkojnë që të mos hidhet baltë mbi ngjarjen dhe të zbardhet e vërteta.
