Marrëveshja e parë me një vend jo anëtar të Bashkimit Evropian mbi bashkëpunimin kufitar, bëhet funksionale.
Dje u nënshkrua marrëveshja për bashkëpunimin kufitar midis Kufirit Evropian dhe Shqipërisë. Kjo është marrëveshja e parë mbi bashkëpunimin operacional që do të nënshkruhet me një vend fqinj jo-anëtar i BE dhe gjithashtu marrëveshja e parë e tillë me një partner të BE nga Ballkani Perëndimor, që do të hyjë në fuqi që nga fillimi i Agjencisë Kufitare dhe Rojet Bregdetare Evropiane.
Marrëveshja do të lejojë Agjencinë Kufitare dhe Rojet Bregdetare Evropiane, të kryejë operacione të përbashkëta dhe të vendosë ekipet në kufijtë e përbashkët të Shqipërisë dhe BE, për të ndihmuar në trajtimin e migracionit të parregullt, veçanërisht në rast të ndryshimeve të papritura në flukset migratore dhe krimit ndërkufitar, marrëveshje me autoritetet shqiptare dhe autoritetet e atyre shteteve anëtare të BE-së në kufi me zonën e operacioneve.
Ekipet e para të Kufirit dhe Rojës Bregdetare janë planifikuar të vendosen në kufirin shqiptar me Greqinë në fund të majit.
Komisioneri për Migracionin, Çështjet e Brendshme dhe Shtetësinë Dimitris Avramopulos tha se: “Marrëveshja me Shqipërinë, e para e këtij lloji me një vend të tretë, është një moment i rëndësishëm në bashkëpunimin e jashtëm të BE në menaxhimin e kufijve. Tani do të jemi në gjendje t’i përgjigjem më mirë sfidave të mundshme migruese së bashku. Shpresoj se do të hapë rrugën për një bashkëpunim më të madh me të gjithë rajonin e Ballkanit Perëndimor. Shqipëria ka treguar përkushtim të madh kur është fjala për bashkëpunimin për migracionin dhe menaxhimin e kufijve. “
