Ka filluar protesta e opozitës edhe në Qarkun e Korçës, ku është bllokuar rruga nacionale në hyrje të Korçës, në afërsi të fshatit Çiflig.
Më tepër se 120 forca të policisë së rendit dhe asaj kriminale, janë angazhuar për monitorimin e protestës. Të angazhuar edhe efektivë të policisë së qarkullimit.
Në një lidhje direkte për Syri.net, ish deputeti demokrat Ervin Salianji është shprehur se, sa më shumë të vonohet qeveria tranzitore, e kërkuar nga opozita, aq më shumë rriten kostot për kryeministrin Edi Rama.
“Qeveria tranzitore sa më shumë të vonohet do të ketë kosto më të madhe për kryeministrin Rama që do të përballet me forcën e ligjit. Si të gjithë diktatorët e tjetër, jo vetëm për korrupsionin, por edhe për kostot që po i jep Shqipërisë në këto vite”, u shpreh për Syri.net Ervin Salianji.
Situata duket e qetë deri tani në qytetin juglindor.
