Ajo është një aktore e famshme në Turqi. Por, Sinem Ozturk, u bë e njohur në Shqipëri nga seriali i transmetuar Ertugrul.
Postimi i fundit i saj në Instagram, ku duket bashkëshorti i saj duke pritur fëmijët e lindur para kohe teksa ndodhen në kujdes intensiv, ka prekur ndjekësit.
“Zoti mos dërgoftë askënd në kujdes intensiv me fëmijën. Kemi kaluar 10 ditë shumë të vështira, por faleminderit Zotit fëmijët i kemi në krahë. Tani kur i kujtoj ato ditë më dhemb shpirti. Bashkëshorti im i dashur duke pritur fëmijët dhe mua. Urimi i duhur në jetë është “shëndet!”. Mjafton të kemi të dashurit pranë, të tjerat janë hollësi”, shkroi aktorja e njohur për rolin e Mahperi Sultan në serialin “Ertugrul”.
Aktorja, e cila u martua me Mustafa Uslu në vitin 2016, vazhdimisht ndan me ndjekësit e saj në rrjetet sociale momente të bukura nga përditshmëria e saj.
