Pas Samitit të Berlinit ka plasur debatit Rama-Hardinaj. Kryeministri i Kosovës tha se kreu i Shqipërisë i bënte presion në sy të Merkel dhe Makron për heqjen e taksës ndaj mallrave serbë. Kryeministri Rama doli menjëherë dhe e mohoi këtë deklaratë.
Por, është ministri i Jashtëm i Kosovës, Behgjet Pacolli i cili përgënjeshtron Ramën.
Në emisionin ‘Zona e Debatit”, Pacolli u shpreh: “Edhe kryeministri në fjalimet e veta është parë pak a shumë një distancim sa i përket taksës sepse ka ndërhyrë edhe kryeministri i Shqipërisë, i cili e pohoi se dialogu mund të shkojë përpara, se taksa duhet të hiqet, edhe pse nuk ka thënë drejtpërdrejt se taksa duhet hequr. Ka qenë një atmosferë e tillë, Haradinaj ka pikëpamjet e veta”.
Haradinaj iu përgjigj për median deklaratës së Ramës “se gënjeu për të dalë burrë i mirë” shkurt.
“Shqiptarët e majtë dhe të djathtë janë vëllezërit e mi. Mendoj se e kemi obligim transparencën. Shyqyr që aty ishte dikush me tregu të vërtetën”, tha kryeministri i Kosovës.
