Me mijëra qytetarë shqiptarë protestuan mbrëmjen e sotme në 12 Qarqet e vendit, duke bllokuar në mënyrë demonstrative disa prej akseve rrugore, për të treguar pakënaqësitë e tyre ndaj keqqeverisjes së Edi Ramës.
Por edhe në këtë protestë nuk kishte si të mos mungonte arroganca qeveritare ndaj qytetarëve shqiptarë, të cilët kanë krijuar përplasje dhe tensione me anë të policisë.
Përplasje mes protestuesve dhe policisë pati në Fier, ku uniformat blu shtynë protestuesit që të mos bllokonin urën e Mbrostarit.
Ndërkohë përplasje pati edhe në Gjirokastër, ku një drejtues policie ju ka kërkuar protestuesve të lirojnë rrugën, ndërkohë që ka hasur në rezistencën e qytetarëve, të cilët i kanë kujtuar vartësit të Ramës se protesta është një e drejtë themelore e çdo qytetari Evropianë dhe të lirë. Në shenjë hakmarrje ndaj qytetarëve policia ka arrestuar disa qytetarë nga Gjirokastra.
Gjithashtu tension mes policisë dhe protestuesve pati edhe në Kukës, ku qytetarët arritën të çanin edhe kordonin e policisë për të treguar se forca e qytetarëve është më e madhe se ajo e bandave në pushtet.
Ndërsa liderët e opozitës, ai i PD, Lulzim Basha, ajo e LSI, Monika kryemadhi dhe të gjithë ish-deputetët, në çdo deklaratë të tyre në çdo cep të Shqipërisë, ishin unison, ku thanë se nuk ka më kthim pas, beteja e opozitës dhe e shqiptarëve kundër së keqes që ka emrin Edi Rama, do të vijojë deri në frymën e fundit dhe fitoren e plotë të kauzës qytetare. /Boldnews.