Portieri legjendar, Iker Casillas pësoi atak në zemër gjatë stërvitjes me Porton ditën e sotme dhe u dërgua me urgjencë në spital.
Pas kësaj ngjarje, klubi portugez ka dalë me një deklaratë zyrtare ku ka dhënë informacione të reja rreth gjendjes së spanjollit.
Konfirmohet se gjendja e tij është e qëndrueshme por ndodhet nën monitorimin e mjekëve.
“Casillas pësoi një infarkt akut miokardit gjatë seancës stërvitore të mërkurën në mëngjes. Seanca stërvitore u ndërpre menjëherë ndërsa portieri i Portos u dërgua me urgjencë në spital. Casillas momentalisht është mirë dhe gjendja e tij është e qëndrueshme. Problemi me zemër është rregulluar”, thuhet në njoftimin zyrtar të klubit të Portos.
