Dy persona janë arrestuar nga policia e Tiranës gjatë 24 orëve të fundit për dy atentate të ndodhur në kryeqytet më herët. Bledi Belba dhe Xhoni Hitaj janë vënë në pranga.
“Bledi Belba, 39 vjeç, banues në Tiranë ishte person i shpallur në kërkim, pasi më datë 18.02.2019 Gjykata e Apelit ka caktuar masën e sigurimit ‘Arrest në burg’. Më datë 15.01.2019, ky shtetas ka kanosur me armë zjarri shtetasin E H., banues në Tiranë, i cili ka bërë kallëzim se shtetasi B.B., ka qëlluar në drejtim të tij për ta vrarë”, njoftoi Policia.
“Po në kuadër të planit të masave për kapjen e personave na kërkim, nga Seksioni për Hetimin e Krimeve ndaj Jetës, u bë e mundur kapja e shtetasit XH.H. (Xhoni Hitaj), 24 vjeç, banues në Tiranë, pasi Gjykata e Rrethit Gjyqësor Tiranë ka caktuar për këtë shtetas masën e sigurimit personal ‘Arrest në burg’, për veprat penale ‘Vrasja me dashje e mbetur në tentativë, e kryer në bashkëpunim’, dhe ‘Mbajtja pa leje e armëve luftarake’. Ky shtetas ishte shpallur në kërkim në Maj të vitit 2018, pasi dyshohet se në bulevardin ‘Bajram Curri’, në bashkëpunim me shtetasin A. Gj, ka tentuar të vrasë me armë zjarri shtetasin A. B, 25 vjeç, i cili ka mbetur i plagosur në këmbë”, shtuan të njëjtat burime.
