Një sasi prej 204 kilogramë marijuhanë dhe një person i arrestuar janë rezultatet e operacionit të koduar “Liqeni”, të zhvilluar nga policia e Shkodrës.
Marjan Kurteza 33 vjeç, banues në fshatin Shtoj i Ri u vu në pranga. Gjithashtu u shapll në kërkum D.B., 35 vjeç, banues në Shkodër.
Aksioni
Burime zyrtare nga Policia lokale thanë se: në bazë të informacioneve policore dhe punë operative policore të bërë në lidhje me një grup kriminal që kryenin organizimin, financimin, transportin dhe trafikimin e lëndëve narkotike (Marijuanë) nga qyteti i Shkodrës në drejtim të Malit të Zi, në orët e para të mëngjesit të sotëm është marrë informacion se dy shtetas po tentonin të trafikonin një sasi të konsiderueshme lënde narkotike.
Mbi bazën e këtyre informacioneve është zhvilluar operacioni i koduar “Liqeni”.
Si rezultat në breg të liqenit Shkodër u bë kapja në flagrancë e shtetasit Marjan Kurteza si dhe u shpall në kërkim D.B..
Në cilësinë e provës materiale u sekuestruan 204 kg Marijuanë, 2 mjete një tip Land Rover dhe një mjet tip Mercedes Benz, 4 telefona celularë, si dhe mjete që i përdornin për paketim e lëndës narkotike.
Operacioni vijon për kapjen e shtetasit D.B.
Grupi hetimor nën drejtimin e Prokurorisë vijon hetimet për identifikimin dhe kapjen e bashkëpunëtorëve të tjerë në këtë aktivitet kriminal.
Materialet proceduriale i kalojnë Prokurorisë Pranë Gjykatës së Shkallës së Parë Shkodër, pasi dyshohet për veprat penale të “Trafikimit të narkotikëve“ kryer në bashkëpunim e mbetur në tentativë” dhe “Prodhimit e shitjes së narkotikëve kryer në bashkëpunim”, shtuan të njëjtat burime. /bn/
