Një 66-vjeçar është arrestuar sot në flagrancë pak pasi tentoi të vrasë me thikë një 57-vjeçar. Shtetasi i identifikuar si Gani Kasemi, ka qenë në gjendje të dehur në momentin e plagosjes me thikë në zonën e kokës 57-vjeçarin me iniciale N.K.
Ndërkohë 57-vjeçari ndodhet në Spitalin Rajonal Fier nën kujdesin e mjekëve.
“Specialistët për Hetimin e Krimeve në Komisariatin e Policisë Fier, arrestuan në flagrancë shtetasin G.K, 66 vjeç, banues në Fier.
Arrestimi i këtij shtetasi u bë pasi për motive të dobëta ka tentuar të vrasë me mjet prerës(thikë), shtetasin N.K, 57 vjeç, banues në Fier, i cili ndodhet në Spitalin Rajonal Fier nën kujdesin e mjekëve. Materialet i kaluan Prokurorisë pranë Gjykatës së Shkallës së Parë Fier për veprën penale “Vrasje e mbetur në tentativë”.”-njofton policia.
