Bindje Demokratike, është partia më e re e cila ka fillur të mbledhi firmat e antarëve edhe në qarkun e Vlorës. Lista e anëtarëve me në krye Astrit Patozin, ka nisur të zgjerohet pak ditë pasi ajo u regjistrua e dhe në Gjykatë edhe në Komisionin Qëndroro të Zgjedhjeve, me krkesë të koordinatorit.
Politiko.al siguron listën e firmosur në Vlorë, ndërsa bie në sy edhe emri i një drejtuesi në një prej institucioneve lokale. Bëhet fjalë për drejtorin e Kapitanerisë së Pashalimanit në Vlorë, Altin Gaba, i nënvijëzuar me të kuqe edhe në foton e publikuar.
Kujtojmë se pjesë e BD deri tani janë deklaruar edhe Fabian Topallaj, Leonard Olli, Valbona Mezini, Arben Skënderi dhe Andi Përmeti, ky i fundit mori mandatin e deputetit nga listat e PD, pasi opozita reale dogji mandatet.
