Partia Socialiste ka firmosur këtë të martë koalicionin me partitë aleate për zgjedhjet lokale të 30 qershorit.
Marrëveshja është nënshkruar mesditën e sotme në selinë e PS-së nga sekretari i Përgjithshëm Taulant Balla dhe krerët e partive aleate. Afati i fundit për regjistrimin e koalicioneve, në kodin zgjedhor është data 1 maji, por për shkak se kjo ditë është pushim, është shtyrë me një ditë.
Në listën e partive që nënshkroi një koalicion me PS, bie në sy Partia Demokracia e Re Europiane e drejtuar nga Koçi Tahiri. Tahiri në zgjedhjet e shkuara ka kandiduar në Korçë nën siglën e Partisë Demokratike, por nuk ia doli që të merrte votat e mjaftueshme për t’u futur në parlament. Ai ka përfituar nga djegia e mandateve të opozitës dhe do të hyjë në parlament si pjesë e ‘opozitës së re’. Megjithatë, pas marrëveshjes së sotme, në zgjedhjet e ardhshme të 30 qershorit, ai do të garojë në koalicion me PS. Koçi Tahiri është 70-vjeç me profesion Agronom.
Tjetër rrjedhje nga opozita, kush është 70-vjeçari që pranoi mandatin e deputetit
