Gazeta Mapo ka siguruar videon e djegies së makinës së autorëve që kryen vrasjen e dyfishtë në Laç. Në video duket qartë një person që del nga makina e bardhë dhe më pas i vë flakën.
Dyshohet se edhe autori që i vuri flakën makinës është fshehur në një banesë në Laprakë, pranë vendit ku edhe dogji mjetin.
Dy net më parë dy kushërinjtë, Mikel dhe Joni Jushi u ekzekutuan me breshëri plumbash nga tre persona të cilët janë identifikuar dhe shpallur në kërkim nga policia.
Bëhet fjalë për dy vëllezërit Markel Bushi 25 dhe Manuel Bushi 23 vjeç (shkaku i sherrit) dhe personi tjetër i identifikuar si Vincenk Bushi 28 vjeç, me precedent penalë dhe kushëri i dy vëllezërve.
Pas një debati të nisur mes kushërinjve Jushi dhe Manuel Bushit, janë përfshirë edhe Markelit e Vinçesku.
Konflikti ka agravuar dhe tre autorët kanë nxjerrë armët.
Sapo kanë parë këtë gjë, viktimat kanë tentuar të largoheshin me vrap, por autorët i kanë ndjekur për rreth 100 metra Mikel dhe Erion Jushin duke i qëlluar me breshëri plumbash.
