Gjykata e Krimeve të Rënda ka dhënë ditën e sotme masën e sigurisë për personin e gjashtë të arrestuar në lidhje me grabitjen e ndodhur më në 9 prill në aeroportin e Rinasit. Ragip Hajdini, i njohur si “Daja” nga Kosova, është lënë nën masën e arrestit me burg.
Ai dyshohet se ka ndihmuar autorët e kësaj ngjarje, ku u grabitën miliona euro.
Në seancën me duar të mbyllura, Ragip Hajdini mësohet të ketë mohuar akuzat. Në dëshminë e Alkond Bengasi, ai rezulton se është personi me pseudonim “daja” që ka gisht në grabitje. Megjithatë, vetë Hajdini ka mohuar përfshirjen në ngjarje, duke deklaruar “se nuk është ai daja që kërkojnë”. Mbrojta kërkoi një masë më të butë se ajo e arrestit me burg të kërkuar nga organi i akuzës, megjithatë në fund, gjykata vendosi në përputhje me kërkesën e prokurorisë.
Lidhur me grabitjen në Rinas, janë arrestuar lënën nën arrest me burg edhe pesë persona të tjerë: Elton Piklit, Alkond Bengasi, Oltian Veseli, Renaldo Sula dhe Saimir Çela. Ndërsa Admir Murataj, sipas hetimeve, mbeti i vrarë gjatë shkëmbimit të zjarrit mes forcave speciale të policisë dhe grupit të grabitësve. /bn/
