Një ngjarje e rëndë me pasojë plagosjen ka ndodhur në Durrës. Ngjarja ka ndodhur mbrëmjen e sotme rreth orës 19:00 në lagjen nr. 9.
I.P., 50-vjeç, i sëmurë me probleme mendore, dyshohet se ka plagosur me thikë R.S., 53-vjeç, i cili u transprtua në spital dhe ndodhet jashtë rrezikut për jetën.
Shërbimet e Policisë pas marrjes së njoftimit u nisën në vendin e ngjarjes por gjatë rrugës një patrullë e policisë që po qarkullonte me motor është përplasur me një automjet që drejtohej nga shtetasi E.Sh., 45-vjeç.
Punonjësit e Policisë u transportuan në spital dhe ndodhen jashtë rrezikut për jetën.
Drejtuesi i mjetit u shoqërua në Komisariat për veprime të mëtejshme.
Ndërkohë u kap dhe shoqërua në Komisariat edhe autori i dyshuar që shkaktoi plagosjen me thikë.
Materialet hetimore u referuan në Prokurorinë pranë Gjykatës së Shkallës ë Parë në Durrës për veprime të mëtejshme.
