Alketa Vejsiu, moderatorja e spektaklit “Piter Pan”, mbrëmjen e djeshme ka ndarë në emisione nismën që ka ndërmarr për të ndihmuar “taramelen”, spektaklit, Xheison Baftin. Gjatë fjalimit në hapje të emisionit ajo u përlotë, teksa kujtoi edhe fëmijërinë e saj të vështir.
Por megjithatë Olti Curri, ka vazhduar me idenë e tij, që fëmijët që merren nëpër spektakle duhet të paguhen, duhet të lidhin kontrata si çdo individ tjetër sepse ata e bëjnë spektaklin.
“Rëndësi ka që Xheisoni të bëhet me shtëpi…dhe pas tij të ndihmohen edhe fëmijët e tjerë të spektaklit që kanë nevoja jetike pa bërë dallim. Gjithashtu duhet që të gjithë fëmijëve që dalin në ekran t’i lidhet kontratë shpërblimi financiar për çdo emision televiziv që bëhet, shpërblim që menaxhohet nga prindërit dhe faktohet me dokumenta nga produksionet dhe televizionet ku transmetohen këto spektakle. Të regjistruara dhe të taksuara sipas ligjit. Që nga data e fillimit të spektakleve, jo pasi të plasë debati në media. Të paktën fëmijët të paguhen se të rriturit kanë vetë në dorë të zgjedhin.”-shkruan Olti Curri në profilin e tij, InstaStory.
