E ftuar në ‘Open’, ish-ministrja e Jashtme e Kosovës Edita Tahiri ka debatuar ashpër me moderatorin, Alban Dudushi.
Sipas Tahirit lajmi i ardhur sot nga Gjermania, se kancelarja Angela merkel ka rrëzuar planin e treshes Rama-Thaçi-Vuçiç për ndarjen e Kosovës, si dhe ka mërzitur disa njerëz pranë pushtetit, mes tyre edhe Alban Dudushin.
Tahiri ju drejtua Dudushit duke i thënë se e shihte shumë të mërzitur, për dështimin e planit ogurzi të Ramës-Thaçit dhe Vuçiç për ndarjen e Kosovës.
‘Të shoh shumë nervoz që dështoi ndarja e Kosovës dhe dështoi kryeministri jot. E pashë edhe si flisje me Berat Buzhalën. Dukesh që je nervoz, që treshja Rama-Thaçi dhe Vuçiç, dështuan në planin e tyre. Ideja e shkëmbimit të kufijve, ka lindur në darken e Ramës në Beograd, në tetor 2016’, u shpreh Tahiri. /Boldnews.
