Markel Bushi, një nga personat e shpallur në kërkim si autor i vrasjes së dyfishte mbrëmjen e djeshme në Laç, është person me precedent penalë dhe i njohur për drejtësinë shqiptare.
Bushi rezultonte në kërkim për një tjetër ngjarje kriminale, megjithatë ai lëvizte i lirë në qytet.
Në vitin 2012, së bashku me shokun e tij Daniel Shyti, vodhën disa vajza që po shkonin në Kishën e Laçit dhe njërën prej tyre e qëlluan me armë, duke e plagosur. Pas ngjarjes u arrestuan. Gjykata e dënoi Danjel Shtyin me 6 vite burgim në vitin 2013. Ndërkohë që Markel Bushi nisi gjykimin e tij në gjykatë duke mos kërkuar as gjykim të shkurtuar, por më pas arriti të arratisej duke u dënuar në mungesë me 9 vite burg.
Prej vitit 2013, ai ndodhej në kërkim nga policia nën akuzën e vjedhjes me armë. Në 21 nëntor të 2017, policia organizoi një operacion për arrestimin e tij, por Markel Bushi qëlloi me armë në drejtim të efektivëve dhe arriti që të humbte gjurmët duke u arratisur, ndërkohë që mbrëmë së bashku me Vinçenc Palin (Bushin) vranë dy kushërinjtë Mikel Jushi dhe Jani Jushi 35 dhe 30 vjeç.
