U shoqërua me bujë në media deklarata e blogerit Olti Curri ndaj Alketa Vejsiut për të ndihmuar Xheison Baftin, vogëlushin e ‘Piter Pan’ i njohur si ‘taramelja’.
Vogëlushi jetonte në kushte jo të mira ekonomike, dhe Alketa bëri thirrje për ndihmë, mirëpo kjo duket se nuk i pëlqeu Oltit.
‘Në fakt Xheisoni është pika më e fortë dhe e vetme e këtij sezoni tek ‘Në kurthin e Piter Pan’. Produksioni le të fusë më pak në xhep dhe të paguajë për atë që meriton ky personazh dhe jo ta shndërrojë në ‘lypës’. Xheisoni meriton të paguhet më shumë se kushdo tjetër në atë spektakël sepse pa atë, spektakli do ishte një funeral me sigla hapje dhe mbyllje, asgjë më shumë’, shkruante Curri në ‘InstaStory’.
Mirëpo, pas këtij statusi ka reaguar vetë moderatorja. “Asnjë vepër e mirë nuk mbetet pa u ndëshkuar”, ka shkruar shkurt Alketa.
