Vrasësi më vdekjeprurës i botës që ëndërronte të bëhej peshkatar në pyjet e Brazilit ka qëlluar më shumë se 500 viktima por ka ndaluar numërimin në 492
Sulmuesi më vdekjeprurës në botë, i cili ka vrarë më shumë se 500 viktima, ka hedhur dritë mbi karrierën e tij të gjakosur, si një vrasës profesionist.
Vrasësi serik Julio Santana, tani 64-vjeçar, i cili ka ndaluar numërimin e numrit të njerëzve që kishte vrarë në 492, ka marrë jetën e politikanëve, minatorëve të arit dhe bashkëshortëve mashtrues.
Karriera e errët dhe e rrezikshme e Santanës, e cila u transformua së fundi në librin ‘Emri i vdekjes’ nga gazetari brazilian Klester Cavalcanti, hedh një vështrim në shtegun e zymtë të vrasësit serik.
Sipas “New York Post”, Santana, që braktisi punën e tij, përshkroi se si mbante shënime të përpikta për çdo vrasje që ai kishte bërë, së bashku me informacionin se kush e kishte punësuar atë dhe sa ishte paguar për kryerjen e veprimeve të errëta.
Ai tha për The Post: “Nuk më pëlqen të mendoj për këtë më. Kjo pjesë e jetës sime ka mbaruar.”
Ai shtoi: ‘Unë kam besuar gjithmonë te Perëndia. Unë besoj se Perëndia më dha forcën për të duruar gjithçka që pata në jetën time për shkak të asaj pune të keqe. Unë e di se ajo çka kam bërë është e gabuar.”
Santana, i cili u rrit si një i krishterë, hyri në karrierën e zymtë në vitin 1971, kur ai ishte vetëm 17 vjeç.
Deri në atë pikë, Santana, që jetonte thellë në pyllin e Amazonës dhe dukej se ishte i destinuar të bëhej një peshkatar, kishte vrarë vetëm brejtësit dhe majmunët e pyjeve, por një ftesë nga xhaxhai i tij, Cicero, i cili ishte një vrasës profesionist, do të ndryshonte rrugën e tij në jetë përgjithmonë.
Xhaxhai i Santanës ishte punësuar për të vrarë një peshkatar lokal, Antonio Martins, 38 vjeç, i cili dyshohet se përdhunoi një vajzë 13-vjeçare në një fshat aty pranë dhe i kërkoi Santana të bënte veprën e errët.
Ndonëse ai ishte hezitues në fillim sepse kishte frikë se do të shkonte në ferr për aktin e tmerrshëm, Santana vendosi të merrte detyrën e tij të parë dhe së shpejti u bë një vrasës me kontratë.
Edhe pse ai premtoi se kurrë nuk do të vriste askënd pas Martins, Santana vazhdoi të kryejë qindra vrasje në të gjithë vendin.
Ai u caktua si një vrasës për qeverinë braziliane dhe nga viti 1967 deri në vitin 1974 ku edhe ndihmoi në betejën kundër kryengritësve komunistë në pellgun e lumit Araguaia.
Gjatë viteve 1970, ai u urdhërua të vriste politikanë brazilian dhe militantin e majtë Jose Genoino, i cili kishte qenë një nga udhëheqësit guerrilas, pak kohë para se të vriste mësuesin e shkollës Maria Lucia Petit, 22 vjeç.
Për vite familja e zonjës Peti nuk ishte në dijeni të asaj që kishte ndodhur me të dhe vetëm pas një presioni në rritje ndaj autoriteteve braziliane u zbulua se trupi i saj ishte varrosur në fshehtësi.
Në vitin 2006, Santana, në moshën 52 vjeçe, vendosi të kthejë shpinën në botën e vrasjeve me kontratë dhe të ndryshonte jetën e tij pas presionit të vazhdueshëm nga gruaja e tij.
Ish-vrasësi shtoi se sikur të mos kishte qenë për mbështetjen e gruas së tij, ai nuk do të ishte larguar nga historia e tij të errët.
Ai shtoi: “Ajo është dashuria e jetës sime, personi që më ka dhënë forcë për të kapërcyer gjithçka që kam kaluar. Pa të, nuk do të isha asgjë.”
