Aktori 46 vjeçar, Idris Elba, i cilësuar si mashkulli më seksi i 2018 i ka dhënë fundë beqarisë në një ceremoni private të mbajtur në Marok.
Ai nuk e ka përmbajtur dotë dashurinë e tij ndaj një nuseje po aq fantastike si është edhe Sabrina Dhoëre.
Imazhe të mrekullueshme nga ceremonia janë publikuar nga revista britanike ‘Vogue’, ku çifti shkëmbyen unazat në një nga hotelet më luksoze në Marrakesh.
29-vjeçarja, zgjodhi të paraqitej në ceremoni me dy fustane shumë të bukura, një më të thjeshtë në momentin e celebrimit dhe një të detajuar e të qendisur me perla në momentin e festës, e cila ishte zgjedhur sa më private.
Gjithashtu, aktori Idris Elba nuk mbeti pa u vënë re, me një kostum të realizuar nga stilisti i famshëm Ozëald Boateng. Ai u paraqit shumë natyrshëm me kostumin e tij me mansheta të bardha duke tërhequr vëmendjen e të gjithëve.
Të dy u fotografuan shumë të lumtur pranë njëri-tjetrit në një festë që pritet të vazhdojë edhe përgjatë natës së sotme në një party të organizuar në Mandarin Oriental.
