Qyteti i Laçit është kthyer në një arenë lufte mbrëmjen e sotme, ku dy grupe të rinjsh kanë qëlluar mbi njëri-tjetrin, ku si pasojë kanë mbetur dy të plagosur rëndë.
Por në njoftimin për mediat, policia raporton vetëm për dy të plagosurit rëndë të familjes Jushi, të cilët janë Mikel dhe Jani Jushi.
Ja njoftimi i policisë:
Sot rreth orës 20:15 në lagjen nr. 1 Laç, afer një lokali ka patur të shtëna me armë zjarri.
Për pasojë dyshohet se kanë mbetur te plagosur 2 shtetas, M.J dhe J.J., të cilët janë dërguar në gjendje te rëndë per jetën në Tiranë për ndihme mjekësore.
Në vendngjarje mberriten shërbimet e Rendit dhe të Policisë Kriminale, që kanë nisur punën për zbardhjen e rrethanave të ngjarjes, identifikimin e autorëve dhe përballjen e tyrë me drejtësinë.
Disa shërbime të tjera policore kanë ngritur pika kontrolli dhe po vijon shoqerimi i përsonave që mund të kenë dijeni për rrethanat e ngjarjes.
Për shkak të hetimit nuk mund të bëhen publike të tjera detaje qe lidhen me ngjarjen.
