Prej më se një viti në gjirin e vendeve më të rëndësishme të BE-së ekziston një dilemë: A duhen papur negociatat në të njëjtën kohë me Shqipërinë dhe Maqedoninë, apo këto dy vende duhen ndarë, duke privilegjuar fqinjët tanë dhe duke na ngelur neve në klasë. Por nëse majin e kaluar Shqipëria shpëtoi në fije të perit nga ndarja e fatit të saj me Maqedoninë, shenjat janë që këtë herë nuk do të kemi të njëjtin fat.
Këtë e ka parathënë edhe gazeta prestigjoze gjermane “Frankfurter Allgemeine Sonntagszeitung”, e cila i ka kushtuar një shkrim të gjatë takimit të së hënës ku kancelarja gjermane Angela Merkel dhe presidenti francez Emmanuel Macron do t’i presin udhëheqësit e gjashtë vendeve të Ballkanit (Shqipërisë, Bosnjës, Kosovës, Malit të Zi, Maqedonisë së Veriut dhe Serbisë).
Ndërkohë që edhe zyra e shtypit e kancelares Merkel, konfirmon se takimin e parë numri 1 i Gjermanisë do ta zhcvillojë në Berlin me kryeministrin e MAqedonisë së Veriut, Zoran Zaev, dhe më pas do të ketë dhë një takim me Ramën.
Pas bisedës që do të zhvillojë Ramën, Kancelarja e Gjermanisë, Angela Merkel do të vijojë më pas diskutimet me presidentin e Francës, Emmanuel Macron, bisedë kjo, e cila do të pasohet edhe me një konferencë të përbashkët shtypi.
Njoftimi për shtyp i Kancelarisë:
Të hënën pasdite, një takim i Ballkanit Perëndimor do të mbahet në Kancelarinë Federale me ftesë të Kancelares Federale dhe Presidentit francez Emmanuel Macron. Së pari, Kancelarja do te prese kryeministrin e Republikës së Maqedonisë se Veriut , z. Zoran Zaev, për një bisede.
Me pas Kancelarja do te kete një bisedë me Kryeministrin e Republikës së Shqipërisë, z.Edi Rama. Në vijim, Kancelarja do të mbajë një diskutim të shkurtër dypalësh me Presidentin francez Macron, pasuar nga deklaratat per shtyp nga të dy liderët.Pas ardhjes së Shefave të Shtetit dhe Qeverive të Bosnje-Hercegovinës, Kroacisë, Kosovës, Malit të Zi, Serbisë, Sllovenisë dhe Përfaqësuesit të Lartë të BE-së për Punët e Jashtme dhe Politikat e Sigurisë, do te fillojë takimi i Ballkanit Perëndimor”-thuhet në njoftim.
Samiti i Berlinit pritet të jetë një përballje e fortë mes Kosovës dhe Serbisë. Sipas asaj që raportojnë mediat gjermane, thuhet se presidenti i Kosovës, Hashim Thaçi do t’i kërkojë homologut të tij serb njohjen e pavarësisë pa asnjë kusht.
