Besimtarët e krishterë ortodoksë në të gjithë botën kremtuan nga mesnata e djeshme, Pashkët. Me urimin Krishti u Ngjall, festimet kulmuan në Tiranë, Korçë, Durrës, Berat etj.
Mëngjesin e së dielës, Kisha Ortodokse dha një urim edhe për ata që mbartin sot emrat në nderim të ngalljes së Krishtit: “Gëzuar të gjithë vëllezërve në Krishtin, Anastasi, Anesti, Paskali, Zoi, që mbajnë emrin dhe festojnë në nderim të Ngjalljes së Krishtit!”
Ndërsa, Mitropolia e Shenjtë e Korçës njoftoi se mijra besimtarë mbushën sheshin para katedrales “Ngjallja e Krishtit”, si edhe në të gjithë kishat e tjera të qytetit ku u celebrua Liturgjia Hyjnore e Ngjalljes.
Duke psalur gëzueshëm himnin e Pashkës, “Krishti u Ngjall së vdekurrësh, me vdekje, vdekjen shkeli edhe të varrosurve jetën u fali”.
